Фарғонада бўлиб ўтган "Нефтчи" ва "Динамо" жамоалари ўртасидаги баҳсдан кейин ҳар иккала жамоа бош мураббийлари ўйин ҳақида ўз фикрларини билдириб ўтишди.

Камо Газаров, «Динамо» бош мураббийи: «Бугунги ғалаба билан «Нефтчи» жамоасини табриклайман. «Нефтчи» ўйин давомида кўплаб имкониятларни юзага келтирди ва уларнинг биридан унумли фойдаланиб қолди. Жамоамиз ҳақида тўхталадиган бўлсам, жамоамиз таркибига келиб қўшилган футболчилар ҳали тўла киришиб кета олишгани йўқ. Навбатдаги ўйинларда ўзимизни кўрсатишга ҳаракат қиламиз».

Юрий Саркисян, «Нефтчи» бош мураббийи: «Жамоамиз ҳар бир учрашувда фақат ва фақат ғалаба учун майдонга тушади ва бугунги ўйин ҳам бундан мустасно бўлгани йўқ. Ғалабани қўлга киритдик. Фарғона аҳлини янги мавсум бошлангани ва шу мавсумни мана шундай ғалаба билан бошлаганимиз билан табриклайман».