Каталониянинг "Барселона" клуби марказий ҳимоячиси Рональд Араухо Чемпионлар лигасида ғалаба қозониш жамоаси учун қанчалик муҳим эканлиги ҳақида гапирди.
Келаси ҳафтада "кўк-анорранглилар" ⅛ финалнинг жавоб учрашуви доирасида ўз уйида "Наполи"ни қабул қилишади.
Италиядаги биринчи ўйин 1:1 ҳисобида якунланганди.
"Чемпионлар лигасида ғалаба қозониш нафақат мен учун, балки бутун жамоанинг орзуси. Бироқ, биз босқичма-босқич боришимиз керак.
Ҳозир бор эътиборимизни фақат “Наполи” билан ўйинга қаратганмиз", - дея Араухонинг сўзларидан иқтибос келтиради Barca Universal.
