Мадриднинг “Реал” клуби ярим ҳимоячиси Жуд Беллингем Испания чемпионатидан дисквалификациясига жавоб берди. Англиялик футболчи ҳакамга нисбатан ҳурматсизлик қилгани учун икки ўйинга дисквалификация қилинди.
“Бўлган воқеа ҳакамнинг ҳуштак чалиш қарори туфайли содир бўлди. Мен унга ҳақоратли ҳеч нарса айтмадим. Менимча, улар менга сабоқ беришни хоҳлашди. Албатта, мен ўз ҳаракатларим учун жавобгарман, лекин бунинг учун иккита ўйин кулгили", - дейди Жуд.
Беллингем яқинда "Валенсия"га қарши ўйинда (2:2) қизил карточка олганди.
