Мадриднинг “Реал” клуби ҳимоячиси Антонио Рюдигер Чемпионлар лигасининг чорак финалига чиқиш ҳақида гапирди.
“Бизда нишонлашга вақтимиз йўқ, чунки биз ёмон ўйнадик. "Реал" бепарво ўйнади ва кам ҳаракат қилди. Чемпионлар лигасида бунинг учун жазоланиш мумкин. Рақиб яхши ўйнади ва бизга босим ўтказди. Бу турнирда бундай ўйнашни қабул қилиб бўлмайди", - дейди футболчи.
“Реал”нинг “РБ Лейпциг”га қарши жавоб учрашуви 1:1 ҳисобида дуранг билан якунланди. Биринчи ўйинда мадридликлар минимал ҳисобда ғалаба қозонишган - 1:0. "Лос-Бланкос"нинг чорак финалдаги рақиби 15 март куни аниқланади.
