Мадриднинг «Реал» клуби ҳимоячиси Серхио Рамос Испания чемпионатининг «Барселона»га қарши учрашувдан кейин ўйин борасида ўз фикрларини билдириб ўтди.
«Бироз ўзгартирилган таркиб билан ҳам ёмон ўйин ўтказмадик. «Реал» чемпионлик учун арифметик ҳисоб-китобга кўра, имкониятга эга экан курашни давом эттиради».
«Адриано билан боғлиқ вазиятда пенальти борми-йўми билмайман. Мен такрорий лавҳаларни кўришим керак бўлади».
«Чемпионлар лигаси — бу биз учун энг асосий мусобақа. Биз анчадан буён бу совринни юта олмаяпмиз. «МЮ»га қарши ўйиндан олдин ўзимизга юз фоиз ишонмоқдамиз. Аммо манчестерликларга ҳурматимиз баланд», дея Рамоснинг сўзларидан иқтибос келтирмоқда «AS» нашри.