"Атлетико Мадрид" марказий ҳимоячиси Хосе Хименес бўлажак муҳим ўйинларда жамоасига ёрдам бермайди.
Уругвайлик футболчи Чемпионлар лигаси 1/8 финалининг "Интер"га қарши биринчи ўйинида (0:1 мағлубият) танаффусда алмаштирилди ва мушаклардаги муаммолар туфайли кейинги учта ўйинни ўтказиб юборди. Marca хабарига кўра, 29 ёшли марказий ҳимоячи яқин орада сафга қайтмайди - у "Интер" билан жавоб ўйинига (13 март) вақтида тикланишга улгурмайди, шунингдек, Ла Лига доирасидаги "Барселона" билан ўйинни ҳам (17 март) ўтказиб юборади.
"Атлетико" Испания чемпионати турнир жадвалида 27 турдан кейин учинчи ўриндаги "Барселона"дан 3 очко ортда қолиб, тўртинчи ўринни эгаллаб турибди.
