Италиянинг “Милан” клуби Европа лигасининг 1/8 финалининг биринчи ўйинида Чехиянинг “Славия”сини мағлуб этди.
Бироқ бугуннинг якуний натижаси Стефано Пиоли жамоасига кейинги босқичга чиқишни кафолатламайди.
Шу боис жамоанинг иккинчи голини киритган ярим ҳимоячи Тижани Рейндерс унчалик хурсанд бўлмади:
"Албатта, биз тўп билан яхшироқ муомала қилишимиз керак эди, айниқса улар гол урган пайтларда.
Лекин якунда биз ғалаба қозондик, жавоб ўйинини кутмоқдамиз", - дея Рейндерснинг сўзларини келтиради pianetamilan.it.
