“Наполи” ярим ҳимоячиси Хвича Кварацхелия манфаатларини ҳимоя қилувчи агент Мамука Джугели футболчининг келажаги ҳақида гапирди.
“Биз “Наполи” билан музокара олиб бормоқдамиз. У клубни ёзда тарк этади, агар улар рад этишнинг иложи бўлмайдиган даражада катта миқдорда пул олишса. Аниқ суммани тахмин қила олмайман. Май ойининг охирига қадар ҳаммаси аниқ бўлади", - деди Джугели La Gazette Dello Sport нашрига.
23 ёшли грузиялик футболчи 2022 йилнинг ёзидан буён "Наполи"да тўп тепмоқда. Жорий мавсумда у барча турнирларда 35 та ўйин ўтказиб, 9 та гол урди ва 6 та голли узатмани амалга оширди.
