"Милан" ҳужумчиси Франческо Камарда клуб билан профессионал шартнома имзолашга шошилмаяпти.

Кузда форвард чемпионат тарихидаги энг ёш дебютантга айланиб, А серия рекордини ўрнатганди. Орадан кўп ўтмай, "Милан" футболчи билан профессионал шартнома имзолашга қизиқаётгани ҳақида маълумот пайдо бўлди, бироқ ҳозирча келишувга эришилмаган.

Италия ОАВ хабарига кўра, "Милан" раҳбарияти 15 ёшли форвардга анча қулайроқ шартларни таклиф қилмоқда.

Вазиятни хориж чемпионатларининг гигантлари, жумладан, «Манчестер Сити» ва Дортмунднинг «Боруссия»си диққат билан кузатиб бормоқда.

Футболчи шунингдек, "Интер"нинг радарида, аммо у курашга фақат охирги чора сифатида киради.