10 март, якшанба куни бўлиб ўтадиган «Динамо» - «Нефтчи» ўйини олдидан жамоамиз яримҳимоячиси Санжар Шоаҳмедовнинг фикри билан қизиқдик.
«Биринчи турда «Навбаҳор»га қарши баҳс қийин бўлишини билардик. Бу учрашувда биз кутган натижа бўлмади. Насиб қилса кейинги ўйинларда яхши натижага эришишга ҳаракат қиламиз.
«Нефтчи»га қарши баҳс жуда муҳимлигини жамоадаги барча тушуниб турибди. Худо хоҳласа, керакли очколарни қўлга киритишга ҳаракат қиламиз. Бу орқали мухлисларни хурсанд қилишни ният қилганмиз», - дейди Санжар Шоаҳмедов.