«Милан» ҳужумчиси Рафаэль Леау унга «ПСЖ» томонидан қизиқиш ҳақидаги сўзларга изоҳ бермади.
Жума куни “россонерилар”нинг машғулот базаси яқинида бўлиб ўтган автографлик сессияси вақтида португалияликнинг олдига франциялик мухлис келиб, форварднинг “ПСЖ”га ўтиши мумкинлигига шаъма қилди:
“Улар Парижда сиз ҳақингизда гаплашишяпти, тушунаяпсизми?” - деди мухлис. Футболчи бу саволга жавоб бермади - у шунчаки жилмайиб қўйди.
Миш-мишларга кўра, "ПСЖ" мавсум охирида "Реал"га ўтмоқчи бўлган Килиан Мбаппе ўрнига Рафаэль Леауни ўринбосар сифатида кўрмоқда.
