Туриннинг “Ювентус” клуби спорт директори Криштиану Джунтоли ёзда жамоа ярим ҳимоясини тикламоқчи. Хабарга кўра, мутахассис "кекса синьора" стандартларига жавоб берадиган ярим ҳимоячиларни топмоқчи.
Аввалроқ "Ювентус"нинг ёздаги асосий мақсади "Аталанта" ярим ҳимоячиси Тён Копмейнерс бўлиши хабар қилинганди, бироқ улар нидерландиялик учун 60 миллион еврога яқин талаб қилмоқдалар, бу эса туринликлар учун муаммо.
Эслатиб ўтамиз, ёзда "Ювентус"нинг асосий ярим ҳимоячиларидан бири Адриен Рабьонинг шартномаси муддати тугайди. Раҳбарият француз билан шартномани узайтиришдан умидини узмаяпти.
