“Насаф” билан баҳсда "Олмалиқ" жамоаси шарафини 7 нафар футболчи илк маротаба ҳимоя этди.

Дарвозабон Мақсатмурот Шомуродов Ўзбекистон миллий чемпионатида ҳам биринчи учрашувини ўтказган бўлса, ҳимоячи Акмал Рустамов, ярим ҳимоячилар Шерали Жўраев, Игорь Петкович, Самандар Шодмоновлар олий лигада тўп сурган футболчилар ҳисобланишади. Ҳужумчи Шахбоз Эркинов ҳам элитада тўп сурган. Ўтган мавсум ёшлар жамоамизда тўп сурган Диёр Туропов илк маротаба олий лига учрашувида иштирок этди. Бунгача жамоамиз шарафини 2012 йил якуни бўйича 77 нафар футболчи ҳимоя этган. Энг кўп майдонга тушган футболчи Зоҳир Пиримов Қаршида 101-учрашувида майдонга тушди. Уни таъқиб этаётган Достон Абдураҳмонов ҳисобида 97 учрашув мавжуд.

Жамоа тўпурарлари баҳсида эса Мўйдин Мамазулумов якка пешқадамга айланган. Унинг ҳисобида 36 гол мавжуд. Бу йил Мўйдинни яна жамоамиз шарафини ҳимоя этишини ҳисобга олсак, унга рақобат қилувчи форвардларга анча қийин бўлади. Энг яқин таъқибчи Александр Востриков “Шўртан”да фаолиятини давом эттирмоқда. Зафар Полвонов “Насаф”га қарши баҳсда “Олмалиқ” сафидаги еттинчи голини киритди. Шу баҳсда иккинчи голни урган Шахбоз Эркинов "Олмалиқ" сафида гол урган 40-футболчи бўлди. Ҳужумчилар рўйхатида рақобат бу йил анча жиддий эканлигини ҳисобга олсак, жорий мавсумда мухлислар кўплаб голлар кўриш эҳтимоли юқори.

Жамоамизнинг умумий статистикаси эса қуйидагича (2012 йил якуни бўйича):

Учрашувлар сони 138та, ғалабалар сони 48, дуранглар 26, мағлубиятлар 64. Тўплар нисбати 187-204.