Каталониянинг "Барселона" клуби марказий ҳимоячиси Пау Кубарси ёзда бирданига иккита халқаро мусобақада иштирок этиши мумкин. Журналист Альфредо Мартинеснинг хабарига кўра, Испания футбол федерацияси Кубарсини ҳам Германиядаги Европа чемпионатига, ҳам Францияда бўлиб ўтадиган Олимпиада ўйинларига чақириши мумкин.

Кубарси мавсумнинг иккинчи ярмида ажойиб футбол намойиш этмоқда. Марказий ҳимоячи бош мураббий Хави Эрнандес ишончини қозонди ва Испания чемпионатида 9та ўйин ўтказди.

Пау жамоасининг Ла Лигадаги сўнгги бешта ўйинида майдонга тушди. 17 ёшли Кубарси Испаниянинг асосий терма жамоаси сафида ҳали бирорта ҳам ўйин ўтказмаган.