Қозоғистон Суперкубок баҳси билан мавсумга расман старт берилди. Майдонда мамлакат чемпиони — "Шахтёр" ва Кубок соҳиби — "Астана" жамоалари саф тортишди.

Ўйин анча қизиқарли кечди. "Астана-Арена"га йиғилган 11 мингдан ортиқ мухлислар 120 дақиқа давомида асло зерикиб қолишмади. Биринчи бўлимда ҳисоб очилмаган бўлса, ўйиннинг 55 ва 60-дақиқаларида Виктор Кумиков бошқарувидаги "Шахтёр" жамоаси гол уриб, 2:0 ҳисобида олдинга чиқиб олишди.

Астаналиклар тезда битта жавоб тўпини киритишди. Учрашув асосий вақтининг сўнгги дақиқасида Остапенко ҳисобни тенглаштириб, ўйинни қўшимча бўлимларга кўчирди. 7

Қўшимча бўлимларнинг иккинчисида, ўйиннинг 117-дақиқасида Жамбул Кукеев қарағандаликларга ғалаба келтирувчи голни "Астана" дарвозасига йўллади.

Шундай қилиб, "Шахтёр" ва Виктор Кумиков мавсумни соврин билан бошлади.

Қозоғистон суперкубоги
«Шахтёр» — «Астана» 3:2 (0:0)
Голлар: Байжанов 55 (1:0), Пориваев 60 (2:0), Кетевоама 64 (2:1), Остапенко 90 (2:2), Кукеев 117 (3:2)