"Ливерпуль" ҳужумчиси Муҳаммад Салоҳ келажаги ҳақидаги саволга жавоб берди. Мисрлик футболчининг фикрича, унинг келажаги Юрген Клоппнинг жамоани тарк этишига боғлиқ эмас.
Хабарингиз бор, январь ойида Клопп мавсум якунида "Ливерпул"ни тарк этиш қарорини эълон қилган эди.
"Мураббийнинг ўзгариши клубдаги ҳолатимга таъсир қиладими? Йўқ, йўқ. Бу ҳаёт, ҳамма нарса ўзгаради. Муҳим футболчилар ва мураббийлар аллақачон "Ливерпул"ни тарк этишган. Бир кун келиб мен ҳам "Ливерпул"ни тарк этаман, лекин ҳеч ким, ҳатто, Клоппнинг кетиши менинг келажагимга таъсир қилмайди" - деди Салоҳ Sky Sports билан суҳбатда.
Муҳаммад Салоҳнинг "Ливерпуль" билан амалдаги шартномаси 2025 йилнинг ўрталарига қадар мўлжалланган.