"Манчестер Юнайтед"нинг собиқ ярим ҳимоячиси Рой Кин "Ливерпул"га қарши ўйинда Гвардиоланинг Кевин Де Брюйнени алмаштириш қарори ҳақида гапирди.
Испаниялик мураббий 1:1 ҳисобида якунланган “Ливерпул”га қарши баҳснинг 69-дақиқасида кутилмаганда асосий футболчисини алмаштирди.
Бельгиялик ярим ҳимоячи мураббийнинг қароридан норози бўлгани аниқ.
“Менимча, бу тўғри қарор бўлди. Пеп - мураббий ва у умумий баҳсга жавобгар. Кевин жаҳон даражасидаги футболчи ва унинг ҳафсаласи пир бўлди.
Ҳеч ким ўйиндан чиқишни ёқтирмайди, лекин Гвардиола ўз ишини қиляпти, у бутун вазиятга баҳо беряпти. Улар бу муаммони ҳал қилишади", - дея Киннинг сўзларини келтирган BBC.
