"Манчестер Юнайтед"нинг собиқ ярим ҳимоячиси Рой Кин "Ливерпуль"га қарши ўйинда Пеп Гвардиоланинг Кевин Де Брюйнени алмаштириш қарори ҳақида гапирди.
Испаниялик мутахассис 1:1 ҳисобида якунланган “Ливерпуль”га қарши баҳснинг 69-дақиқасида кутилмаганда асосий футболчисини алмаштирди. Бельгиялик ярим ҳимоячи мураббийнинг қароридан норози бўлгани аниқ.
“Менимча, бу тўғри қарор бўлди. Пеп - мураббий ва у катта номларга қараши керак. Кевин жаҳон даражасидаги футболчи ва у ҳафсаласи пир бўлди. Ҳеч ким ўйиндан чиқишни ёқтирмайди, лекин Гвардиола ўз ишини қиляпти, у бутун вазиятга баҳо беряпти. Улар бу муаммони ҳал қилишади", - дея Кин сўзларини келтирган BBC.
