"Манчестер Сити" ярим ҳимоячиси Кевин Де Брюйне "Ливерпуль" билан ўйинда (1:1) навбатдаги голли узатмасини амалга оширди.
Айнан бельгияликнинг бурчак тўпидан сўнг "шаҳарликлар" ўйиннинг 23-дақиқасида ҳисобни очишди - Жон Стоунс гол урди. BBC хабарига кўра, Де Брюйне АПЛ доирасида "Ливерпуль" билан учрашувларда аллақачон еттита голли узатмани амалга оширган. Бу “МЮ”нинг собиқ ярим ҳимоячиси, “мерсисайдликлар”га қарши Премьер-лига ўйинларида саккиз марта ассистентлик қилган Райан Гиггздан кейинги тарихдаги иккинчи энг юқори кўрсаткичдир.
Кевин Де Брюйне 2015 йилнинг ёзидан буён "Манчестер Сити"да ўйнаб келмоқда. Жорий мавсумда ярим ҳимоячи барча турнирларда 14 та ўйинда майдонга тушиб, 2 та гол ва 13 та голли узатмани амалга оширди.
