Ҳимоячи Жоау Канселу келажаги ҳақида фикр билдирди. Бу мавсумда португалиялик футболчи "Барселона"да ижара асосида ўйнамоқда. Шу билан бирга, Канселунинг "Манчестер Сити" билан шартномаси 2027 йилнинг ўрталарига қадар амал қилади.
"Мен келажак ҳақида ҳозирча ҳеч нарсани билмайман, лекин шу ерда қолишни истардим. Мен Роналдиньо ўйнаган "Барселона"ни томоша қилиб катта бўлганман. У менинг кумирим. Мен бу либосни кийганимдан фахрланаман" - деди Канселу La Gazzetta dello Sport нашрига.
2023/2024 йилги мавсумда Жоау Канселу "Барселона"нинг 31 та расмий учрашувида иштирок этган. Уларда футболчи учта гол урди ва шерикларига тўртта самарали узатмани амалга оширди.
"Барселона" навбатдаги ўйинини 12 март куни - Чемпионлар лигаси 1/8 финалида "Наполи"га қарши ўтказади.
