"Реал Мадрид" ҳужумчиси Винисиус Жуниор майдонда баъзида ишлатадиган найранги ҳақида гапирди.
"Мен ўз ўйинимни ўзгартириб, имкон қадар жамоага ёрдам беришга ҳаракат қиламан. Мени тўхтатиб бўлмайди, чунки қанот вингери сифатида яхши ўйнамасам, марказга ўтаман ва рақиблар менга қарши қандай ҳимояланишни билишмайди" - деди Винисиус "Реал Мадрид" клуби телеканалига берган интервьюсида.
"Мен жуда хурсандман, ўзимни имкон қадар яхши кўрсатишга ҳаракат қиламан. Мавсумнинг энг муҳим қисми яқинлашмоқда ва кўплаб яхши ўйинлар бўлади. Худди шу руҳда давом этмоқчиман. Умид қиламанки, бу мавсум менга бироз халақит берган жароҳатлардан қочаман. Мен яхши ҳаракат қиляпман", - дея қўшимча қилди бразилиялик футболчи.
Якшанба куни “Реал” ўз майдонида “Селта”ни йирик 4:0 ҳисобида мағлуб этди. Карло Анчелотти шогирдлари навбатдаги ўйинни 16 март куни - "Осасуна"га қарши ўтказади.
