Мадриднинг “Реал” клуби ҳужумчиси Винисиус Жуниор жамоасининг қолган мавсумдаги мақсадлари ҳақида гапирди.
Бразилиялик футболчининг сўзларига кўра, мадридликлар ўзи иштирок этадиган барча турнирларда ғалаба қозонишни истайди.
“Биз мавсумнинг энг муҳим босқичига худди мавсум бошидан қандай яқинлашган бўлсак, худди шундай яқинлашмоқдамиз. Биз бу мавсумни ажойиб ўтказиш учун қолган ҳамма нарсани ютиб олишга интиламиз. Мухлислар ҳамма нарсага лойиқ", - деди Винисиус "Реал Мадрид" расмий сайтига.
"Реал" Испания чемпионати турнир жадвалида ишончли тарзда пешқадамлик қилмоқда ва иккинчи ўриндаги "Жирона"дан 7 очко олдинда. Карло Анчелотти жамоаси ҳам Чемпионлар лигасида ўйнашда давом этмоқда.
