Испания чемпионатининг 28-туридан ўрин олган баҳсда “Альмерия” ўз майдонида “Севилья” билан дуранг ўйнади – 2:2.
Мезбонлар ҳужумчиси Адриан Эмбарба 38-дақиқада ҳисобни очди. Якунда меҳмонлар иккита гол уришди: 81-дақиқада Доди Лукебакио, 86-дақиқада Лукас Окампос гол уришди. 90+5-дақиқада “Альмерия” ҳужумчиси Марко Милованович ҳисобни тенглаштирди ва жамоасини мағлубиятдан қутқариб қолди.
"Севилья" 28 очко билан Ла Лига турнир жадвалида 14-ўринда бормоқда.
"Альмерия" 10 очко билан охирги, 20-ўринни эгаллаб турибди. Жамоа бу мавсумда ҳеч қачон ғалаба қозона олмаган - 10 учрашувни дуранг билан якунлаган ва 18 та мағлубият аламини тотиб кўрган.
