Мартин Эдегор "Порту"га қарши баҳс ҳақида фикр билдирди.

Бугун "Арсенал" Чемпионлар лигаси 1/8 финали жавоб учрашувини ўз майдонида "Порту"га қарши ўтказади. Биринчи ўйин португалларнинг 1:0 ҳисобидаги ғалабаси билан якунланган эди.

Биринчи ўйинда 36 та қоида бузилди - жорий Чемпионлар лигасидаги энг юқори кўрсаткич. Тўп 51,7% вақтда ўйинда бўлган.

"Ҳар бир ўйинда жуда кўп нарса содир бўлади. Ўша учрашувда тўп кўпинча ўйиндан ташқарида эди.

Кўп паузалар бўлди ва буларнинг барчаси ўйинга халақит қилди. Менимча, сиз "Брентфорд"га қарши ўйинда ҳам шунга ўхшаш нарсани кўргансиз.

Ўйлайманки, биз ўша ўйинда ажойиб иш қилдик. Менимча, бу яхши машқ бўлди. Умид қиламанки, жавоб ўйинида янада яхши ўйин кўрсатамиз.

Биз ўз футболимизни ўйнашни хоҳлаймиз. Биз рақибга кўп эътибор қаратмоқчи эмасмиз. Биз ўз футболимизни ўйнашни истаймиз, бу асосий нарса", – деди Эдегор.