Англия премьер-лигасининг 28-туридан ўрин олган сўнгги учрашувда «Астон Вилла» амалдаги чемпион «Манчестер Сити»ни қабул қилди.

Учрашувнинг дастлабки қисми тенг курашларда ўтган бўлсада, биринчи бўлимнинг сўнгги ўн дақиқасида «Сити» кетма-кет ҳужумлар уюштира бошлади. Сабалета, Тевеслар томонидан берилган зарбаларни мезбонлар дарвозабони Гьюзан кетма-кет қайтара бошлади. Бироқ 1-бўлимга қўшиб берилган биринчи дақиқада «Астон Вилла» сардори Кларкнинг хатосидан кейин тўпни эгаллаб олган Эдин Джеко қулайроқ вазиятда турган Карлос Тевесга етказиб берди. Тевес бир ҳаракат билан рақиб дарвозабони ва ҳимоячисини алдаб ўтиб бўш қолган дарвозани аниқ нишонга олди.

Иккинчи бўлимда эса ҳисобда ортда бораётган «Астон Вилла» кўпроқ ҳужумлар уюштирди. Айниқса сўнгги 10 дақиқа ва ҳакам томонидан қўшиб берилган 4 дақиқа мобайнида мезбонлар рақиб дарвозаси олдида штурм уюштиришди. Бироқ бу вазиятлар самара бермади ва «Сити» навбатдаги ғалабасини нишонлаб «МЮ» билан орадаги фарқни яна 12 очкогача қисқартирди.

Англия премьер-лигаси
28-тур
АСТОН ВИЛЛА – МАНЧЕСТЕР СИТИ 0:1 (0:1)
Гол: Тевес (45+1).
Астон Вилла: Гьюзан, Лоутон, Кларк, Бейкер, Беннетт, Нзогбия (Холман, 65), Делф, Вествуд (Эл-Аҳмадий, 86), Вайманн (Доукинс, 84), Бентеке, Агбонлахор.
Манчестер Сити: Жо Харт, Сабалета, Туре, Настасич, Клиши, Хави Гарсия, Родуэлл (Джеко, 25), Милнер, Яя Туре, Сильва (Бэрри, 90), Тевес (Насри, 75).
Огоҳлантиришлар: Бентеке (75), Делф (90+4).