"Наполи" президенти Аурелио Де Лаурентис вингер Хвича Кварацхелиянинг келажаги ҳақида ўз фикрлари билан ўртоқлашди.
Кўплаб миш-мишларга кўра, грузиялик футболчига турли чемпионатларнинг топ-клублари қизиқиш билдирмоқда. "Наполи" 23 ёшли футболчи билан шартномани узайтирмоқчи, буни Де Лаурентис яна бир бор тасдиқлаган.
“Рад этиб бўлмас таклиф Кварацхелияга эмас, шахсан менга келиши керак. Хвича биз билан яна кўп йилларни ўтказиши мумкин, мен унинг шартномасини узайтирмоқчиман. Буни мавсум охирида муҳокама қиламиз", - дея журналист Николо Скира "Наполи" президентининг "Барселона"га қарши Чемпионлар лигаси ўйини бошланишидан олдин берган интервьюсидан иқтибос келтиради.
