"Napoli" prezidenti Aurelio De Laurentis vinger Xvicha Kvarasxeliyaning kelajagi haqida o‘z fikrlari bilan o‘rtoqlashdi.
Ko‘plab mish-mishlarga ko‘ra, gruziyalik futbolchiga turli chempionatlarning top-klublari qiziqish bildirmoqda. "Napoli" 23 yoshli futbolchi bilan shartnomani uzaytirmoqchi, buni De Laurentis yana bir bor tasdiqlagan.
“Rad etib bo‘lmas taklif Kvarasxeliyaga emas, shaxsan menga kelishi kerak. Xvicha biz bilan yana ko‘p yillarni o‘tkazishi mumkin, men uning shartnomasini uzaytirmoqchiman. Buni mavsum oxirida muhokama qilamiz", - deya jurnalist Nikolo Skira "Napoli" prezidentining "Barselona"ga qarshi Chempionlar ligasi o‘yini boshlanishidan oldin bergan intervyusidan iqtibos keltiradi.
