Лондоннинг "Арсенал" клуби "Порту" бош мураббийи Сержиу Консейсаунинг "канонирлар" устози Микель Артетага қарши айбловларига жавоб қайтарди. Португалияликнинг айтишича, испаниялик мутахассис Чемпионлар лигаси 1/8 финалининг жавоб учрашуви вақтида оиласини ҳақорат қилган.
Журналист Фабрицио Романонинг ижтимоий тармоқдаги постларига кўра, инглиз клуби Артетанинг Консейсауга нисбатан ҳақоратомуз сўзларини рад этади.
Эслатиб ўтамиз, “Арсенал” икки ўйиндан иборат баҳсда “Порту”ни пенальтиларда мағлуб этганди. Инглиз клубининг чорак финалдаги рақиби 15 март куни қуръа ташлаш натижасида аниқланади.
