Лука Готти "Лечче"нинг янги бош мураббийига айланди.

Шартнома 2024-йилнинг 30-июнига қадар имзоланган бўлиб, иш муваффақиятли бажарилган тақдирда уни узайтириш имконияти мавжуд.

Италиялик мураббийлар штабида ёрдамчи Ден Вестерби Томассен, техник мутахассис Стефано Даниел, фитнес бўйича мураббий Сальваторе Сcиуто, ўйин таҳлилчиси Симоне Греко, фитнес ва тикланиш бўйича мураббий Жованни Де Лука ва дарвозабонлар мураббийи Луиджи Какканелли бўлади.

Мураббийлик фаолияти давомида Готти қуйидаги жамоаларни бошқарган: "Милан" ёшлар жамоаси, "Монтебеллуна", "Пиевигина", "Бассано", "Режина" ёшлар жамоаси, Италия U-17 терма жамоаси, "Удинезе", "Специа". 2023 йилнинг феврал ойидан бери 56 ёшли мутахассис ишсиз эди.

Эслатиб ўтамиз, 28-турдан сўнг “сариқ-қизиллар” А Серия турнир жадвалида 16-ўринни эгаллаб турибди.