“Брайтон” бош мураббийи Роберто Де Зерби “Рома”га қарши Европа лигаси 1/8 финали жавоб ўйини олдидан фикрларини билдириб ўтди.

Италияда бўлиб ўтган биринчи ўйинда “денгиз отлари” 0:4 ҳисобида мағлуб бўлганди.

"Ғалаба қозониш учун нима керак? Биз гол уришимиз керак. Охирги ўйинларда кўп гол ура олмадик, лекин кўплаб вазиятлар яратдик.

Кўпроқ гол уриш учун имкониятлар яратиш учун сифатнинг яхшиланишга эътибор қаратишимиз керак.

Менинг вазифам футболчиларга имконият яратишларига ёрдам бериш, чунки улар майдонга тушишади, мен эмас.

Камбэклар билан боғлиқ тажрибам борми? “Фодже”да бўлганимда биринчи ўйинда 1:5 ҳисобида ютқазаётиб кейин 6:1 ҳисобида ғалаба қозонгандик.

Аммо бу бутунлай бошқача ҳикоя. "Рома" - жиддий жамоа, яхши ҳолатда. Мен уларнинг сўнгги ўйинларини томоша қилдим ва улар ўзлари эришаётган натижаларга лойиқ жамоа”, — деди Де Зерби матбуот анжуманида.