"Атлетико Мадрид" бош мураббийи Диего Симеоне жамоасининг "Интер"га қарши баҳсдаги ғалабаси ҳақида ўз фикрларини айтди.
Икки ўйиндан иборат бўлган дуэл ғолиби пенальтилар сериясида аниқ бўлди, унда "матрасчилар" қўли баланд келди.
“Мухлисларимиз ва жамоамиз учун жуда хурсандман. Биз кучли рақибга қарши ўйнадик ва муносиб тарзда кейинги босқичга ўтдик.
Ҳаётда ҳар доим ҳам ғалаба қозона олмайсиз. Биз оғир мағлубиятларни бошдан кечирдик ва бизда тажрибали футболчилар бор. Мухлисларимиз ақл бовар қилмайдиган даражада эди. Стадионимизда бизга қарши ўйнаш рақиблар учун доим қийин бўлади ва бугун, хайриятки, мақсадимизга эришдик”, деди Диего Симеоне Amazon Prime нашрига берган интервьюсида.
