Европа чемпионлар лигасининг кейинги босқичи учун қуръа ташлаш маросими эртага — 15 март куни бўлиб ўтади. Маросим Тошкент вақти билан 16:00да старт олади.
Мусобақа чорак финалига қуйидаги жамоалар етиб келди:
"Арсенал" (Англия)
"Атлетико" (Испания)
"Бавария" (Германия)
"Барселона" (Испания)
"Боруссия" Дортмунд (Германия)
"Манчестер Сити" (Англия)
"Пари Сен-Жермен" (Франция)
"Реал" (Испания)
Чекловлар борми? Ҳеч қандай чеклов йўқ.
— Жамоалар саватга ажратилмайди.
— Бир мамлакат жамоалари ўзаро тўқнаш келиши мумкин.
— Бир гуруҳда ўйнаган клублар ўзаро тўқнаш келиши мумкин.
Қуръа механизми
Қуръа "кўр-кўрона" принципи асосида ўтказилади. Барча 8 жамоа бир саватга солинади. Биринчи чиққан жамоа иккинчи жамоа билан, учинчи жамоа тўртинчиси билан тўқнаш келади. Во ҳоказо.
Ярим финал қуръаси
Бошқа саватга 4 та шар солинади:
— 1-жуфтлик ғолиби;
— 2-жуфтлик ғолиби;
— 3-жуфтлик ғолиби;
— 4-жуфтлик ғолиби;
Биринчи ва иккинчи чиққан жуфтликлар ҳамда учинчи ва тўртинчи жуфтликлар ярим финалда ўзаро жуфтлик ҳосил қилади.
Якунда финалдаги номинал мезбонни аниқлаш учун қуръа ўтказилади.
Тақвим
Чорак финал ўйинлари —9/10 ва 16/17 апрель кунлари
Ярим финал ўйинлари — 30 апрель/1 май ва 7/8 май кунлари.
Финал 1 июнь куни Лондондаги "Уэмбли" стадионида бўлиб ўтади.
