"ПСЖ" "Манчестер Сити" ярим ҳимоячиси Бернарду Силвага қизиқишда давом этмоқда, деб хабар беради Caught Offside нашри.
Келишувнинг мумкин бўлган вариантларидан бири ўйинчилар алмашинуви бўлиши мумкин - парижликлар ҳозирда "Лейпциг"да ижарада ўйнаётган Хави Симонсни "шаҳарликлар"га таклиф қилмоқчи. Жорий мавсумда 20 ёшли нидерландиялик футболчи 35 учрашувда 8 та гол урди ва 12 та голли узатмани амалга оширди.
"Манчестер Сити" ёзда Бернардунинг сотилишини тушунади, шунинг учун унинг ўрнига "Вест Хэм"дан Лукас Пакета вариантини кўриб чиқмоқда.
Силванинг амалдаги шартномаси 2026 йилда якунига етади. Жорий мавсумда 29 ёшли португалиялик 35 ўйинда 8 гол ва 5 голга ассистентлик қилган.
