Антони "Манчестер Юнайтед"да яхши даврни бошдан кечирмаяпти. Жорий мавсумда бразилиялик вингер 29 та ўйинда битта гол урди ва битта голли узатмани амалга оширди. Антони ёзда "қизил иблислар"ни тарк этиши мумкин.
TodoFichajes нашри хабарига кўра, "Фламенго" ёзги трансфер ойнасида Антони учун таклиф билан чиқишни режалаштирган. Бразилия клуби вингерни ижарага олмоқчи. Англиядаги муаммоларни ҳисобга олсак, "Фламенго" варианти Антони учун фаолиятини қайта бошлаш учун имконият бўлиши мумкин.
Эслатиб ўтамиз, Transfermarkt портали 24 ёшли Антонини 28 миллион еврога баҳоламоқда.
