Лиссабоннинг “Спортинг”ига қарши Европа Лигаси 1/8 финалининг жавоб ўйини “Аталанта” учун омадли келди. Биринчи ўйинда 1:1 ҳисобида дуранг ўйнаган “Аталанта” иккинчи ўйинда рақибини мағлуб этишга муваффақ бўлди.
Ғалаба иродали бўлди, чунки жамоалар танаффусга “Спортинг”нинг минимал устунлиги билан чиқишди. Аммо ўйиннинг иккинчи бўлими бошидаёқ Адемола Лукман ҳисобни тенглаштирди. Бу учрашувнинг иккинчи бўлимининг 36-сониясида содир бўлди.
Маълум бўлишича, нигериялик футболчи Европа турнирларидаги барча ўйинлари давомида иккинчи бўлимда “Аталанта”нинг энг тезкор голини киритган.
