Конференциялар лигаси 1/8 финалининг жавоб учрашувида “Астон Вилла” Амстердамнинг “Аякс” клубини қабул қилиб, 4:0 ҳисобида ғалаба қозонди. Ўйин воқеаларини "Вилла" сардори Жон Макгинн изоҳлади.
"Ажойиб иш, ажойиб реакция. Европа турнирида чорак финалга чиқдик. Анчадан бери клубда бундай бўлмаган. Бу биз учун муҳим ўйин бўлди. Ва биз буни кўрсатдик. Энди биз бундан ҳам кўпроқ ютуқларга эришмоқчимиз, бу ерда тўхтаб қолмаймиз", - дея Макгиннинг сўзларини келтиради BBC Sport.
“Астон Вилла” фақат бир марта Европа мусобақалари чемпионлигини қўлга киритган, бу 1982 йилда содир бўлган.
