Машҳур Филиппо Инзаги футболкаси билан ухлаган болакайнинг фотосурати халқаро мукофотга муносиб топилди.

Маълум бўлишича, италиялик фотограф Амбра Крейжеро бир неча йилдан буён нуфузли халқаро ташкилотларнинг совринлари учун курашиб келган. Мана, у ниҳоят, ўз мақсадига эришди футбол ортидан.

Амбра Крейжеро ЮНEСКО танловига италиялик собиқ ҳужумчи Филиппо Инзаги футболкаси ёнида ухлаб ётган болакай суратини қўйди. Қарангки, бу унга омад келтирди. Оддий айтганда, ҳакамлар ҳайъати айнан кўчада олинган шу эски суратни танлов ғолиби сифатида танлашди. Филиппо Инзагининг ўзи ҳам бу хабарга дарҳол муносабат билдирди. «Дунёдаги барча болаларнинг орзулари ҳимоя қилиниши шарт. Уларнинг орзуларига ҳурмат билан ёндашиш талаб этилади. Амбра, сизга ушбу таъсирчан фотоижод учун катта раҳмат», — деб ёзди Филиппо Инзаги ижтимоий тармоқларда.

Болакайнинг кўчада «Милан» туфайли машҳурлашган «9-рақам»ни ушлаб ётгани - бу Филиппо Инзаги ёхуд «Пиппогол» жойларда нақадар севимли бўлганидан далолат.