Франция терма жамоасининг собиқ футболчиси Самир Насри Антуан Гризманнинг савиясига баҳо берди.
"Атлетико Мадрид" форварди кўп йиллар давомида Франция терма жамоасининг асосий ўйинчиларидан бири бўлиб келмоқда, аммо Насрининг фикрича, "матрасчилар" тарихидаги энг яхши тўпурар тарихдаги энг кучли беш француз футболчиси қаторига кирмаган.
“Ҳа, у энг кучли 10таликда бўлиши мумкин, лекин кучли бешликда эмас. Зидан, Платини, Анри ва бошқалар борки, Гризманндан юқорироқда туради. Мисол учун, Раймонд Копа - мен унинг ўйинини кўрмаганман, лекин унинг ютуқлари ўзи ҳақида гапиради. Шунингдек, Бензема ҳам "Олтин тўп"га эга", - дея Насрининг сўзларидан иқтибос келтиради Footmercato.
