Италия терма жамоасининг собиқ ҳужумчиси, 2020 йилда фаолиятини якунлаган Пабло Освальдо ҳозирда психологик муаммоларга дуч келмоқда. У ўзининг ижтимоий тармоқ саҳифаларида ҳозирги муаммолари ҳақида гапирган.

"Сизга ҳаётим ҳақида бир нарсани айтиб беришим керак. Мен қийин пайтларни бошдан кечиряпман. Гиёҳвандлик ва спиртли ичимликлар ҳаётимни бузмоқда. Ҳозир психиатрда даволаняпман. Ўз уйимда яшайман ва ташқарига чиқмайман. Мен ўйинчи эдим, ўшанда эса бутунлай бошқача одам эдим", дейди собиқ футболчи.

Ўз вақтида италиялик футболчи “Рома”, “Ювентус”, “Интер”, “Порту” каби клубларда ўйнаган.