"Тоттенхэм" бош мураббийи Анге Постекоглу клуб мавсум оралиғида ҳимоя марказини кучайтиришга ҳаракат қилишини тан олди. Ўтган ёзда Микки ван де Вен "шпорлар" сафига қўшилди, январда эса Раду Дрэгушин сотиб олинди.
Икки марказий ҳимоячининг трансфери тахминан 65 миллион еврога тушди, бироқ бу лавозимдаги бошқа ўйинчи яқинлашиб келаётган трансфер ойнасида сотиб олиниши мумкин. Бу ҳақда бош мураббий Анге Постекоглу айтиб ўтди.
“Биз ушбу йўналишга эътибор қаратамиз. Ички музокаралар аллақачон олиб борилмоқда, мавсум якунланганидан кейин барча йўналишларни кучайтиришга ҳаракат қиламиз", - дея австралиялик мураббийнинг сўзларини келтиради журналист Фабрицио Романо.
