"Барселона" футболчиси Пау Кубарси фаолиятидаги илк Испания терма жамоасига таклиф ҳақида ўйлаётганини айтди.
17 ёшли марказий ҳимоячи жорий мавсумнинг иккинчи ярмидаёқ "блауграна"нинг асосий таркибида ўзини кўрсата олди ва бунинг учун у март ойидаги ўртоқлик ўйинларига Испания терма жамоасига чақирув билан тақдирланди.
“Таклиф олиш умидида телефонимни ҳам текширмадим, лекин, албатта, дўстларим ва оилам бундан жуда хурсанд. Мураббий мени чақирганда мен ҳам ғурурландим. Мен унга билдирган ишончи учун миннатдорман ва имкониятимдан фойдаланиш учун боримни бериш ниятидаман", - деди Кубарси.
