Бельгия терма жамоаси ва “Рома” ҳужумчиси Ромелу Лукаку Саудия Арабистони чемпионатига ўтиши мумкин. Бу ҳақда журналист Николо Скира ижтимоий тармоқлар орқали хабар берди.
Инсайдер хабарига кўра, номи ошкор этилмаган клуб 30 ёшли ҳужумчи билан шартнома имзолашга тайёр. Эслатиб ўтамиз, Ромелу римликлар сафида мавсум охиригача ижара асосида ўйнайди. Унинг трансфер ҳуқуқи Лондоннинг "Челси"сига тегишли.
Жорий мавсумда Лукаку барча мусобақаларда 36 та ўйин ўтказди. Бельгиялик футболчи 18 та гол урди ва 4 та голли узатмани амалга оширди. Ҳужумчининг трансфер қиймати 35 миллион еврога баҳоланмоқда.
