"Челси" бош мураббийи Маурисио Почеттино ҳужумчи Раҳим Стерлинг билан боғлиқ вазият ҳақида гапирди.
Эслатиб ўтамиз, футболчи Англия терма жамоасининг март ойидаги ўйинлари учун қайдномага киритилмаган.
“Вазият қийин. Биз қила оладиган ягона нарса бу Раҳимнинг клубда яхшироқ ўйнашига ёрдам бериш.
Қолган ҳамма нарса бизга боғлиқ эмас.
Терма жамоага қайтиш учун Стерлинг яхши ўйнаши ва мураббийни ишонтириши керак. Фақат сўзлар билан мен унинг аҳволини енгиллаштира олмайман ёки уни қандайдир юпата олмайман", деди Почеттино матбуот анжуманида.
