Хосе Энрике "Манчестер Юнайтед" - "Ливерпуль" учрашуви олдидан умидлари билан ўртоқлашди.
Жамоалар Англия кубогининг чорак финалида тўқнаш келишади. Ўйин эртага, 17 март куни "Олд Траффорд"да бўлиб ўтади ва соат 20:30да бошланади.
“Менимча, “Манчестер Юнайтед” якшанба куни натижага эриша олмайди. Шубҳасиз, “Манчестер Юнайтед”да устунликни ҳис қилмаганман – ўзим ўйнаган пайтларимда тенг ҳисоблар кўпроқ эди, баъзида “Юнайтед” яхшироқ эди.
"Ливерпуль" учун ҳали ҳам қийин ўйин, лекин мен улар ғалаба қозонади деб ўйлайман. "Манчестер Юнайтед" "Олд Траффорд"да меҳмондагидан кўра ёмонроқ ўйнамоқда - менинг давримдагидек кучли эмас бу клуб", - деди мерсисайдлик собиқ ҳимоячи.
