Суперлига 3-тури доирасида "Сурхон" Тошкентдаги "Пахтакор" стадионида "Андижон"ни қабул қилди.

Учрашув “Андижон” клубининг 2:3 ҳисобидаги ғалабаси билан якунланди. “Андижон” сафида Эсанов 36-дақиқада пенальтидан ҳисобни очди.

Иккинчи таймда эса мухлислар 4 та голга гувоҳ бўлишди. Баҳснинг 52-дақиқасида Азизбек Пирмуҳаммадов ҳисобни оширди. Меҳмонларнинг учинчи голига “Сурхон” жамоаси Азизбек Пирмуҳаммадов “ёрдам” бериб юборди. Айнан унинг оёғидан тўп “Сурхон” дарвозасига йўл олди.

Учрашувнинг 84-дақиқасида “Сурхон” жамоаси футболчиси Муҳаммадали Абдураҳмонов ҳисобни қисқартиришга эришди. Қўшиб берилган дақиқаларнинг 4-дақиқасида эса Шербўтаев жарима зарбасини чиройли тарзда голга айлантирди ва ҳисобни 2:3 кўринишига олиб келди. Ушбу ҳисоб ўйин сўнггигача сақланиб қолди.

Шу тариқа “Андижон” клуби ўз очколари ҳисобини 7 очкога етказиб олди. "Сурхон" эса жорий мавсумда ҳали бирорта ҳам очко жамғарди. Термизликлар 3 ўйинда мағлубият аламини тортишди.

Суперлига, 3-тур
"СУРХОН" - "АНДИЖОН" - 2:3 (0:1)
Голлар: Шерзод Эсанов, 36 пен (0:1), Фарҳоджон Соҳибжонов, 52 (0:2), Азизбек Пирмуҳаммадов, 72 автогол (0:3), Муҳаммадали Абдураҳмонов, 84 (1:3), Ҳумоюн Шербўтаев, 90+4 (2:3)
"Сурхон": 16.Дилшод Йўлдошев, 3.Суннатуллоҳ Ҳамиджонов, 5.Азизбек Пирмуҳаммедов, 7.Достонбек Турсунов, 9.Улуғбек Ҳошимов, 10. Дмитрий Плетнев, 15.Диёр Рамазонов, 17.Жаҳонгир Абдусаломов, Асилбек Жумаев, Шоҳжаҳон Султонмуродов, Асадбек Каримов.
"Андижон": 72. Игор Литовка, 5. Абдулвоҳид Ғуломов, 7. Шерзод Эсонов, 8. Фарҳодбек Бекмуродов, 13. Сардорбек Азимов, 15. Владимир Бубаня (С), 17. Фарҳоджон Соҳибжонов, 26. Муҳаммадкарим Тоиров, 28. Исломбек Маматказин, 51. Лука Згурский, 71. Бектемир Абдуманнонов.