Испания чемпионатининг 29-тури доирасида «Реал» сафарда «Осасуна» клуби меҳмони бўлиб, ишончли ғалабани қўлга киритди.

Винисиус Жуниор 4-дақиқадаёқ ҳисобни очган бўлса, орадан 3 дақиқа ўтиб мезбонлар Будимир томонидан урилган гол эвазига мувозанатник тиклашди.

Дани Карвахаль 18-дақиқада "Реал"ни яна олдинга олиб чиққан бўлса, иккинчи бўлим ўрталарида Браҳим Диас ва Винисиус иккита гол уриб, ҳисобни йирик кўринишга келтиришди.

Иккинчи бўлимга қўшиб берилган дақиқалар бошланган пайтда "Осасуна" ҳисобни қисқартиришга муваффақ бўлди.

"Реал" ушбу ғалабадан сўнг 72 очко билан 2-ўриндаги "Жирона" билан фарқни 10 очкога етказди.

Испания Ла лигаси, 29-тур
Осасуна – Реал Мадрид 2:4 (1:2, 1:2)
Голлар: 0:1 – 4 Винисиус Жуниор, 1:1 – 7 Будимир, 1:2 – 18 Карвахаль, 1:3 – 61 Браим Диас, 1:4 – 64 Винисиус Жуниор, 2:4 – 90+1 Муньос.
Осасуна – Эррера, Аресо, Унаи Гарсия, Катена (Муньос, 70), Эррандо (Хуан Крус, 79), Мохика, Мойсес Гомес (Рауль Гарсия, 70), Торро, Монкайола, Арнаис (Рубен Гарсия, 69), Будимир (Ибаньес, 70).
Реал Мадрид – Лунин, Карвахаль, Рюдигер, Тчуамени, Менди (Фран Гарсия, 85), Кроос (Васкес, 77), Вальверде, Камавинга (Начо, 72), Браим Диас (Модрич, 72), Винисиус Жуниор (Гюлер, 85), Родриго.
Огоҳлантиришлар: Эррандо (31), Винисиус Жуниор (44), Камавинга (53), Торро (55), Унаи Гарсия (63).