“Арсенал” ҳимоячиси Вильям Салиба Франция терма жамоаси сафида 2024 йилги Олимпиадада иштирок этмаслиги мумкин, деб хабар бермоқда Daily Mirror.
Олимпиадада Франция терма жамоасини ёшлар терма жамоаси бош мураббийи Тьерри Анри бошқаради. "Канонирлар"нинг 22 ёшли ҳимоячиси турнирга чақирув олиши кутилмоқда.
Манбага кўра, "Арсенал" Салибани Олимпиадада қатнашишни тақиқлаши мумкин, чунки турнир ФИФА томонидан тан олинмаган. Клубнинг фикрича, ҳимоячи аввалига Евро-2024, кейин эса Олимпиада ўйинларида Франция терма жамоасида ўйнаса, Премьер-лигада янги мавсум бошланишини ўтказиб юбориши мумкин.
Жорий мавсумда Солиба барча турнирларда 38 та ўйин ўтказиб, битта гол урди ва иккита голли узатмани амалга оширди.
