Бразилия терма жамоаси мураббийлар штаби бўлажак ўртоқлик ўйинлари учун тўрт нафар таниқли футболчини таркибдан чиқариб ташлади.
Гап ярим ҳимоячи Каземиро («Манчестер Юнайтед»), дарвозабон Эдерсон («Манчестер Сити»), ҳужумчи Габриэль Мартинелли («Арсенал») ва Маркиньос («ПСЖ») ҳақида кетмоқда.
Бу футболчилар жароҳат сабаб майдонга туша олмайди.
"Селеcао" матбуот хизмати хабарига кўра, жароҳат олганлар ўрнига "Порту" футболчилари Пепе ва Галено, "Фламенго" ҳимоячиси Фабрисио Бруно ва "Васко да Гама" дарвозабони Лео Жардим жамоага чақирилган.
