"Бавария" вингери Брайан Сарагоса Испания чемпионатига қайтиши мумкин, у Германияга кўчиб ўтишдан олдин "Гранада"да ўйнаган. Бу ҳақда Sport.es нашри хабар бермоқда.
Манбага кўра, 22 ёшли футболчига "Барселона" қизиқиш билдирмоқда. "Кўк-анорранглилар" немис грандига мослашишда муаммоларга дуч келаётган футболчини ўзига жалб қилмоқчи.
Жорий мавсумда Сарагоса барча турнирлар доирасида 23 та ўйинда иштирок этиб, 6 та гол ва 2 та голли узатмага муаллифлик қилган. Унинг трансфер нархи 12 миллион еврога баҳоланмоқда.
