"Бавария" марказий ҳимоячиси Эрик Дайер ўзининг жамоадоши Харри Кейнни мақтади.
“Кейн – дунёнинг энг яхши ҳужумчиси. Балки Германиядагилар Харри трансферигача буни англамагандир. Бироқ, мен бу ҳақда олдиндан билардим. У жуда барқарор ва доимо юқори концентрацияни сақлайди", - дея Дайернинг сўзларини келтирган Kicker.
Кейн жорий Германия чемпионатида аллақачон 31 та гол урган. Агар инглиз футболчиси Бундеслиганинг қолган 8 турида 11 та гол урса, Германия чемпионатининг бир мавсумида энг кўп гол уриш бўйича Роберт Левандовски рекордини янгилайди.
